نسيانك صعب

أببتسم وأتجْاوزك وأعدّ غدرك ذكريات
صحيح نسيانك صعب، لكن أبد مو مستحيل
بعض الشجر ماينحني رغم إنْ عمر الجذْر مات
وْبعض الشجر مهما يطول يظلّ مكسور وذليل
وإلى صفى لك من فرح عقبي بقايا أمنيات
حتى طفولة ضحكتك ما عادت بعينك دليل
الصبح يغمر مبسمك باأوجاع وآهات وحياة
والليل يطفي شمعتك مادامت عيوني فتيل
والناس حولك تسهرك يومين وتعوّد تبات
ياليت يومك بعتني تلقى أحد مثلي بديل
الحب: مو حضن وجسد وأنفاس وعناق وشفاة
الحب: لا مال الزمن والحظ فيني.. ما تميل
يمكن بتعرف قيمته لا صار لك غيري غناة
أو قمت تتلفت تبي بوجيههم تلقى مثيل
لكن أنا اتحدى الهوى والشوق وأحلى الأغنيات
وكل الهدايا والشعر والحب أو صوت الهديل
والناس والألماس وإحساس السفر والمغريات
يهدون قلبك لو بعض لحظات ماضينا الجميل
إللي بتجمع من فرح عقبي ترى كله فتات
و ااحب لو عشته وهم أيام.. و أمثالي قليل!