جلسة نشامى تزيل البأس في صيهدٍ ما مشي حوله الطير معهم وهم جلاس يبغى الفضاء يأخذ الجوله فنجال كيفٍ يشد الرأس وامبهّره توّ مزلوله عبدالكريم عبدالرحمن السلّوم – القرائن طلع اسهيل وناوي القنص فالحال الكل منهم خاطره مسفهلي مهيب جمعا لجل جاهن ولا مال لامن قضى لازمه منك يملي محبةٍ فالله ومن خير الاعمال الخير يبقى والمصالح تولي راع المصالح يتبع الوقت لامال ما يفقدك وان كثر مالك يهلي غنام مسعود القريني - نعام صوره من الطيب مكتمله برٍ وصقررٍ وشيخ البيد وقنصاةٍ تفترش رمله تدارسوا خطةٍ للصيد سعود عائش الحربي - جدة يا طير بوجه الفضاء بالجناحي معك على احد الجناحين يا طير انخاك يا طير السعد والفلاحي من يعمل المعروف له كل تقدير بدر الحزيمي يا محلا فوق الوكر شوف قرناس الصيرمي اللي على الجول هاوي من صقّره يفخر ويحظى بنوماس لا هدّ صوب الجول هذا النداوي أحمد الخالد السديري الجيب والصقار.. والثالث الطير واثنين عساسه على الصيد ناوين وسط الفياض وخير مليانةٍ خير ربيع .. وفيها من الحباري ملايين هنيّهم أهل القنص جوهم غير فلّة احجاج وصيد والربع سالين خالد بن ناصر المخيمر - روضة سدير جلسة عصر فالبر والطير مركوز وأهل القنص مشفين والجيب جاهز صيد وونس وصقور من حازها يفوز ما كدّر القناص تحديث حافز وسهيل بان وحل والخير مكنوز وعن عبده الله ما جعل له حواجز أبو بكر عبدالعزيز الريس - الرياض الصيد راح وراح وقته على خير حتيش لو كثرتوا الدوج في البر والبر مايشفي قلوب الصقاقير يا حر مالك في الخواطر ولاجبر واللي جلس على حزة عصير ودّه يسلي خاطره مابها سبر حمد عبدالله الوايلي - حوطة سدير طلعةٍ بالفيافي تعطي القلب راحه وتجعل الكل مبسوطٍ بشوف الطبيعه يمضي الوقت بالسهرة وقول الصراحه بين الأحباب وكلٍ مهتني في ربيعه فلة احجاج وصيد والبراري سياحه وكلنا براحةٍ وسط الفجاج الوسيعه صالح عبدالله التميمي - الرس حر يتلفت ويش يريد يالربع شوفوا مطاليبه يا طير لك الله ماحولك صيد والقيض كلتنا لواهيبه بعد الضحيه وبعد العيد الطير يدمي مخاليبه شجعان سعود المقاطي - الرياض جاك الفرح يا راعي الطير هدّه يجيب من جزل الفرايص لكم صيد دربك شمال وخل نجد وتعدّه تلقى الحبارى عند اثرها ملابيد ومعك نشامى للسفر مستعدّه ارداهم اللي شايلٍ عنكم البيد سعود عبدالعزيز الهزاع - نعام هذي مناة الروح يا بكر هذال وهذا دواء روحي.. وهذي المناوي خوّة رجال برحلةٍ تشرح البال اللي عليهم ما تخيب الرجاوي رحلة قنيص وعزبتك بن ودلال وموترك جيب ومعك حرٍّ نداوي سعود سعد العتيبي - الرياض جيّبٍ وصقرٍ مع صحبةٍ ويش خليت طلعةٍ على كيفك بوسط البراري الصيد متعه وين ماجيت واقفيت والطير يتمتع بصيد الحباري ياللي تحب البر وللصيد حنيت أبشر بنجم سهيل والنجم ساري عثمان إبراهيم الرشيد - الرياض تعجلوا يالله ترى صيدكم كد راح وانتم مبردين وباسطين الكيف الصيد ما يبغا تفهق وطول مراح يبغا هميم حدته كما حدة السيف والا نهضت جسمي ولو هو طاح وأموت موتة غلوم قضو بكهيف عبدالكريم النغيمشي - الربيعية في جلسة بالبر والطير موجود واللاند الأبيض واقفٍ غب الامطار متوالفين بطلعةٍ كلها سهود يا سعدهم مابين فنجال.. وأشعار هذي حلات العمر يا منبع الجود ربعٍ على كيفك ولا عاد تحتار على رشيد الرشيد - رياض الخبراء حب القنص ذي عادةٍ ما نخليه لا صاروا ربوعك على الطيب ماشين طلعة وفاء والكل عز مباديه ذي عادةٍ فيها جميع متهنين محمد عبدالعزيز الخنيفر - أشيقر سهيل حل وهدّة الطير زانت والنفس في حب البراري لها شوق والجو راق وهجرة الصيد حانت والسحب صارت فالسما رعد وبروق والأرض بعد الغيث شربت ولانت وبساطها الأخضر جذب كل مخلوق عبداللطيف الحُمَيَّانِي - عنيزة سهيل قرّب يا هل القنص والطير لاشك ما به صيد حتى العاصفير وش فايدة نقل الشياهين والجير غير الولع بطيوركم يا مسافير لاشك جولات الخلا جوها غير تجلا الهموم امع الرجال المناعير جلساتهم صارت توجّد وتذكير فيما مضى شرب الدلال المباهير حتى الصقر صابه ذهولٍ وتفكير لا فيه صيد ولا اعتقوه الصقاقير ناصر موسى الحزاب - البويردة نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] أو الفاكس رقم: 0114871070 صورة العدد السابق
