ياحلو يوم العيد بعض المعايد أحلى من البرحي وحلو العناقيد من القلب يم القلب من شوق زايد تستقبله بيض الخوافق تراديد هاذي مناوي خافقي يابن شايد في جو صافي ماحصل فيه تعقيد نبعد مجال أهل الحسد والحقايد ونعيش جو أهل الفرح والزغاريد تباشروا باللي على الحول عايد أهل القرى والمدن والبدو بالبيد كلٍ فرح بالعيد حسب العوايد ويرسل تهاني للمحبين ويعيد أختار من زين الكلام الفرايد ويقول للغالي عسى عيدك سعيد ياللي تدور عند موسم جدايد هذا الجديد أهديه مع طلة العيد