عيدي لي البسمة

يا بنت لو كلفني رضاك عمري
لأبيع عمري وأشتري به.. رضاتك
ولي حل ذكر لما مضى ضاق صدري
وفاك لي.. وإخلاصك.. وتضحياتك
والمشكله حبك مع الدم يسري
وفي ناظري صورتك مع ذكرياتك
تدرين بأحساسي وبإحساسك أدري
والغير.. دمرني ودمّر.. حياتك
يكفي زعل والعمر يابنت يجري
وركب المحبه.. تو.. ما بعد فاتك
مشغول بك قلبي.. وعقلي.. وفكري
والمشكله مقدر أسوي سواتك
وقدرك عزيز ووضحي كيف قدري.؟
الشوق زوّد في ضميري غلاتك
وآن الأوان ودمر الحال صبري
عيدي لي البسمة بهمسة شفاتك
سعد الشليل