* السيد معوكس ماهي اخبار عبدالله الشيحان وعبدالله الجمعان ويوسف جازع ؟ عبدالله المطيري- الكويت - ناقصهم رابع يكمل البلوت! * الاخ معوكس ماهي حقيقة انك تفتي في قضية الجبرين وان ادارة ناديك تستشيرك في الكثير من الامور حتى انك اقترحت عليها بعض النقاط القانونية.. يأخي انت اعلامي والا مشجع والا عضو شرف؟ راشد الدوسري- الخبر - أنت تذكرني براعي الدبلوم صاحب الأنين الحزين! * صراحة المعلومات اللي عندي عنك يامعوكس غير جيدة يقولون انك كنت تحاضر على الطلاب وتجيب لهم تذاكر واللي ما يشجع فريقك ما تجيب له تذاكر مجانية ولاتنجحه في الدرجات.. عشان كذا قضبوك الباب.. صراحة ماتعودناها منك؟ احمد عمر- جدة - أقول الله يرحم الحال حتى التعليم وصله تعصبهم «الكحلي» ! * تحياتي لك يامعوكس على زاويتك اللاذعة والساخرة .. وش رايك بتصريحات عضو اللجنة اللي يهدد الرؤساء اللي يصرحون تصريحات مثيرة وينه عن تصريحات رئيس ناديه؟ يوسف الحميد- الرياض - ياوالله العز الريس والنائب من الرابطة يعني تدلل يالغالي! * الاستاذ معوكس لماذا ادارة الهلال اعلنت عن العقود ليلة مباراة سباهان.. ليش ما أجلوها لين نهاية المباراة يمكن هذا يؤثر على الفريق وما يتأهل لاقدر الله؟ سعد الشهراني- خميس مشيط - ياخوي وش دخل العقود بالمباراة الركادة زينة! * ابو العواكيس صباح الخير ما صحة خبر اقالة أحد رؤساء الاندية ولماذا لاتتم المحاسبة سواسية؟ ابو نايف- حي المصيف -هذا حلم الضبعة انهم يحلمون! * الحبيب ابو العواكيس وش قصة الهجوم على الجابر من بعض رجال الاعمال، صحيح انه رفض ترويج بعض المنتجات لهم؟ خالد الرشيد- تبوك - وش ذا يعني يايعتمد منتجات مضروبة والا ياويلك ياللي تعادينا ويل! * عزيزي معوكس ارشحك لرئاسة لجنة الحكام واتوقع لك النجاح .. بس انتبه لاتكون تكليفات الحكام حسب الظن؟ ناصر العبدالله- عرعر -وانا ارشح دلهوم بالانابة عني وان كنت أشوف الطائرة أنسب له! * عميد الصحافة الرياضية معوكس هل تتفق معي ان الموسم الحالي اسوأ موسم مر على كرة القدم منذ عقود.. السؤال من اوصلنا الى هذا السوء؟ عبدالله التميمي- الرياض -الدفع الرباعي! * انا اقول يامعوكس للهلال والنصر في قضية الجبرين.. الانسحاب طيب.. توافقني الرأي؟ محمد العمر- بريدة -شكل واحد منهم قام يرقل ويعطي مهلة ويبي الاتصال بصديق ماصديقنا الا .......! * هل صحيح يامعوكس ان هناك اكثر من صحفي ومغرد في قضايا تويتر وان هناك عقوبات غير عادية..؟ اذا كان الاخبار صحيحة مانقول الا انتبه لنفسك؟ عبدالعزيز السالم - الرياض -عساهم على القوة وخل هالمهايطية ينفعهم مهايطهم ومطامرهم في ذا القنوات! * ياليت تفيدنا يامعوكس بتحركات المنشطات بعد نهاية الموسم.. يمكن يظنون انه لسه يبدأ؟ فهد الرشيدي- حائل -صح النوم ويضرب الحب شو بيزل ! *قاهرهم ابو العواكيس تتوقع يوم بعض الاندية هدد في قضية اللاعب الهارب وأعطى مهلة قصده ضغط؟ أحمد الحمد-بريدة -لا سكر !! *صاحب المليون رسالة معوكس أقول ياحبي لابوعبدالله سامي الجابر ياهو هبل ببعض الناس وضغط كثير بعد مابدع وتفوق على غريتس وكوزمين وباقي الربع؟ نواف الصيخان-حي الفلاح - مافيه حيله وفاله العالمية وأضغط 220 واط! *العزيز معوكس ماتلاحظ اول مرة اللي فاز بالدوري والكأس عطل واخذ اجازة طويلة والوصيف مواصل ويغرد خارج الحدود في آسيا بندر العصاد-عنيزة - هذا الفرق بين المحلي والدولي! * الحبيب ابو العواكيس بعد التحية والتقدير لشخصك الكريم ودي أسألك لو انت هلالي او حتى محلل فني تؤيد استمرار كاستلو والافضل التعاقد مع غيره؟ عبدالعزيز السعد-حي الشفاء - يارجال الوعد البرازيل وعقدة مبيوع من أول سومة!
