* المحبوب معوكس: انا زعلان عليك الصراحة كنا متوقعين نشوفك في مباراة نجوم السعودية ونجوم العالم بمكة؟ سفير الحلة - الخبراء - ودي فرصة عمرة وحلاقة على الصفر الدولي! * الاستاذ معوكس ما طمنتنا عن المهاجم العراقي يونس محمود.. وش اخبار تأشيرته صحيحة فيها اختلاف بالوظيفة؟ سعد احمد- جدة - فيها بيريرا مسكه الدائري وجاب ولد عمه ليال! * العزيز معوكس صحيح الهواش بين كارينيو والجيزاوي والا كلام جرائد وبعدين من ظنك اللي اقترح حكاية قصة القزع.. ما تحس انه فاعل خير ويبي يزين الأمور؟ راشد الدوسري- الخبر - اللي اقترح أكيد مؤلف مسرحية هواشة على الدكة! * نبي ترشيحاتك يامعوكس لبطل الدوري وماهي عوامل التفوق لديه.. وهل هي خارج الملعب ام داخله؟ محمد العبدالله- تبوك - الجواب عند عمر الغامدي! * ناقد المجتمع الرياضي: نبيك تصير متفائل وتحكي لنا الايجابيات في الوسط الرياضي خلال عام 2013، وأكيد عندك علوم زينة؟ عبدالله التميمي- الرياض - زينة ونحول! * الساخر والخبير معوكس.. صراحة بعض المحللين التحكيميين كل تحليلاته لصالح فريق واحد.. اجل وشلون قراراته يوم كان حكم؟ بندر الشراري- الجوف - قرارارته ماركة ابوعجراء! * متى يابو العواكيس نتخلص من زعيق بعض المعلقين.. الافضل ان نشاهد المباريات على الصامت او يجيبون لنا المعلق الخليجي الأول فارس عوض الذي لايضاهيه في الابداع أحد؟ سعود القحطاني- خميس مشيط - مافيه أمل تخلص الا اذا صار فيه احتراف في حراج ابن قاسم ومعارض السيارات! * صحيح يابو العواكيس ان هناك شخصية رياضية كبيرة واعلامي معروف رايح يشنون هجمة مرتدة على بعض اللجان.. ماهي الاسباب برأيك وهل هناك اطماع في التطوير تقودهم الى هذا التفكير؟ طلال الخالدي- الدمام - اكيد أطماع وأواه قلبي عليك ألتاع مايحتمل غيبتك ليلة! * كنا ننتظر يامعوكس من اعلام الاهلي ان ينتقد الادارة والمدرب وان يبين الاخطاء الكبيرة التي وقعوا فيها.. ولكن الأمل خاب ووجدناهم ينشغلون بعيدا عن الاهلي.. لماذا؟ الاهلاوي عبدالله الغامدي- جدة - مشغولين بانتقال كواك للهلال! * صديق الرياضيين معوكس شكل الرياض ناوي على نية وبحول الله مارايح يرده الا دوري (عبداللطيف جميل)؟ فهد الرشيد- الرياض - الله يستر لايرده الجسر المعلق! * صاحبنا وحابس دم بعض الناس معوكس.. هل صحيح ان شعار بعض اللجان (من باعنا بعناه لو كان غالي).. توافقنا ام الا؟ عبدالعزيز العتيبي- الطائف - والمبيوع شالها باعوني من أجل تغريده للأسف باعوني! * الاستاذ معوكس متى على خير نشوفك خبير في الاتحاد الدولي .. نبيك خبير صدقي وليس خبير كحلي او بنفسجي؟ فارس البدر- عرعر - يارجال الدعوى على قفى من يشيل.. خبير.. مستشار.. مؤرخ.. وتاليتها مافي الحامض أحد! * صاحب المليون رساله ابو العواكيس: وين بعض المحللين ماشفناهم في مباراة الهلال والفيصلي شكل الخمسه وسامي عاملين عمايلهم وماعاد يتحمل زيادة أحمد الحمد-بريدة - شكلهم حولوهم للثمامة يحللون سباق الدبابات! * الناقد الاملح والاجمل ابو العواكيس ماتلاحظ أن المذيع وصديقه ابوقبعه عاجزين عن الرد على الكاتب اللي ماخلا ولابقى ليه وش السر؟ عبدالعزيز السعد-الشفاء - ماسك.. ماسك أعصابه! * العزيز معوكس ودي بخبرتك تقول لي ليش مذيع القناة الحميد نشب في حلق رئيس الفيصلي على موضوع انتقال النجعي شكل المذيع مشجع متعصب للفريق المنافس ولا وش رايك؟ بندر العصاد-عنيزة - شويه متعصب شكله منتدب من الرابطة! * صديقي معوكس وش نصيحتك للكابتن ريان بلال بعد هدفه في مرمى الهلال؟ عاشق العنابي ابوعبدالكريم - الاعتزال خاصة أنه دخل التاريخ من أوسع أبوابه! مع تحيات معوكس وسلامتكم للتواصل مع معوكس بريد الكتروني [email protected] فاكس 4871070
