بعض الغباء في بعض الأشيا ذهانه

الناس كل لاحقه من زمانه
مشاكل واوجاع راس وحواسيس
وسود الليالي ما عليها ضمانه
ما تأمن التجار تصبح مفاليس
ولا من اصحاب المصالح تكانه
اللي صداقتهم صداقه على الكيس
والرجل لا شان إقبله مع إخوانه
حتى إيش لو هو بين عدوانه انيس
وبعض الغبا في بعض الأشيا ذهانه
والصبر لا ضاق الكظم يغضب إبليس
ما دام عز النفس ذمه وأمانه
فإياك وامانتك من كل بخّيس
ولا خير في اللي عز نفسه ما صانه
ورضى على ثوب النواميس تدنيس
ولا ينقص الرجال لا قل شأنه
بعيون رجل ما يعرف المقاييس
ولا يزيد الرجل كثر الميانه
يكفيك من نكباتها زمة غليس
وفي كل شي مجامل إلا الإهانه
ميبسات عروق الأكباد تيبيس
تلحق مدى رجل وسيع بطانه
ثم تصبح اوراق العلاقة ميابيس
ثنتين منها رايحات لبانه
كبد الجمل والا عيون القرانيس