عواكيس

* ما الفرق بين التغريدات التي يقال انها صدرت من نقل مباراة التعاون والنصر وتغريدات بدر السعيد امين عام لجنة المنشطات.؟!
صديقك معاذ الحميد-مرات
-الفرق شرخ المنصة!
* الحبيب معوكس يقولون ان لك علاقة بالمفاوضات التي جرت بين الرائد والجبرين من جهة والهلال والنصر من الجهة الاخرى.. ما صحة هذا الكلام؟ يعني نقول عنك كاتب وسمسار؟
راشد الدوسري- الخبر
- السمسار بان.. المذيع اللي كشفه ابو طارق!
* الاستاذ معوكس ليش لعب الرائد والاتحاد في بريدة في كأس الملك والتقارير تقول ان الملعب خطر يهدد سلامة الفرق اللي تلعب عليه؟
عبدالله التميمي - الرياض
- صلحوا الشرخ وكل شرخ وانت بخير!
* العزيز ابو العواكيس.. هالحين تأهل المنتخب الى كأس العالم اربع مرات وفاز بكأس اسيا ثلاث مرات ولم نر الاحتفاليات مثل ما يحدث الآن لبعض الاندية يوم فازت.. وش اللي صاير طال عمرك؟
سعد الشهراني- ابها
- ابدا مشجعين ماصدقوا وحولوها قناة...!
* الخبير الاعلامي معوكس وش علوم الميزانية المفتوحة صحيح تأجلت؟
محمد احمد - جدة
- شكل السيول جرفتها!
* الاستاذ معوكس خبرنا عن آخر اخبار انتقال الجبرين.. انا من وجهة نظري انه يوجد شرخ في المفاوضات؟
بدر الرشيد - الرياض
- اصلًا مافيه الا شرخ واحد حصري حسب تقرير المغرد!
* الى عميد الكتاب معوكس: ماهي توقعاتك للموسم المقبل وهل هناك بوادر ايجابية لمشاهدة مباريات خالية من اي مساعدة صديق؟
يوسف الحميد - عرعر
- وأي تصدع في المدرج بموجبه تنقل المباراة!
* تحياتي لك يامعوكس.. نصيحة اترك الاعلام وخلك سمسار ورايح تدعي لي بسبب هذه النصيحة؟
عبدالله العبدالله- الدمام
- وين ابلقى لي محل كنهم جراد من كثرهم!
* متى على خير يامعوكس نشوفك رئيس نادي، اتوقع لك النجاح.. وممكن بعدين ينتخبون رئيس اتحاد.. ترى مافيها شيء ؟
هادي العتيبي - الروقي
-عزالله هالايام مثل شرب المويه لا وعضو جمعية عمومية مثل فتى خنشليله اللي تغريداته مثل...!!
*قاهرهم وحابس دمهم ابوالعواكيس تحية طيبة وبعد:
- ياخوي ودي أعرف وش قصة مذيع الرياضية الشيبان اللي نشب في حلق ريسنا ابوطارق الا يبي الجبرين يروح للنصر هذا مذيع ولا مشجع؟
أحمد الحمد - بريدة
- أقول فك الله راس المسلم شوي ولا كسر المايك على راسه من القهر!
*صاحب المليون رساله ابوالعواكيس معقوله الهلال يشتري عقد يحيى المسلم بأكثر من 12 مليون ويرجعه للرائد فوق البيعة مجاناً وش ذا الادارة ياخوفتي على الزعيم منها؟
بندر العصاي-عنيزة
- معقولة وأصبر شوي والله يستر لايروح النادي بكبره على ذا الخنبقة!
*ألأملح والاجمل عكوسي تحية وبعد: ياخوي وش قصة اتحاد الكرة قبل فترة مافيه زيادة أندية وهاليومين لهم نية يناقشون زيادة فرق الدوري وش اللي تغير
نواف الصيخان-حي الفلاح
- وقال لك أنا «المتحدث» الرسمي أجاوبك!!
*أشهر وأحلى وأخف دم أعلامي معوكس يقولون الرابطة احتفلت بنجاح الدوري بصراحتك المعهودة تراه فعلا ناجح ولا لك عليه؟
عبدالعزيز السعد-الشفاء
-أما ناجح كثر منها يابو سعد ولا حتى بالدف او الدور الثاني!!
*حبيب الملايين معوكس بعد تحياتي وحبي وتقديري:
- أين أنت أيه الفارس الكبير من انتقاد السقطات في البرامج التي تستضيف مشجعين وتقدمهم على أنهم أعلاميون تدخل أيه المنقذ وخلص الساحة كما ينفض المهاجم البارع الشباك؟
عاشقة الموج الأزرق
-أقول وش بقي ماظهر اللي حفل مشجعين في مزرعة ينقل على الهواء الله يرحم الحال والمهنية اللي راحت في خبر كان!!