جِدْعت زرانيقك بوسط الرّكيّه

صور شاعرية

ياالْبِدي وين عصورك اِللّي مضت فيك
يوم السواني فيك روحه وجيّه
عوص النضا قِد صَّدرت في مناحيك
وُغْروبها تِظْهر من البير مَيّه
محّالها في الليل دلاّ يناديك
وقْنِيبِهن كنّه ذيابه طِعيّه
يوم الرزيزا غارسٍ في مضاميك
يوم إن عينك ياالْبِدي عيْلعيّه
واليوم أشوفه باينٍ الجفا فِيك
جِدْعت زرانيقك بوسط الرّكيّه
الله يقود اللّي الْعَوَض والرّجا فيك
يزيل عنك اسنينك اللّي رِديّه
شعر - صالح بن عبد الرحمن الرزيزاء