يا قلب صبرك

يا صاحبي واليوم وش ينفع النوم
نمنا وطاريها ورانا ورانا
العام اشوفه كل ما غفوا القوم
واليوم حتى القوم ما هم معانا
وجدي وجود اللي عن الديد مفطوم
لا يا وجودي يوم شد اقصرانا
كان الأمل بالزين يبقى على الدوم
واثر الأمل لامن بغينا عصانا
تطري سواليفه على قلب محروم
يا قلب صبرك ما ضنينك وزانا
لا يا عظيم الجرح في قلب زيزوم
جوري وجورك يا خفوقي وفانا
فرقا وليف الروح نطاحة اعزوم
ياالله عسانا صبر ياالله عسانا
ياخوك جاك القاف مبني ومعصوم
تكفى ترد القاف شورك علانا
وان كان ما رديت ياخوك معلوم
اللي تزوج نعذره لو نسانا