عواكيس

* الاستاذ معوكس صحيح ان لديك حساسية من اللون الكحلي وانك اذا شفته شعرت ان هناك تضليلاً وتزييفاً للواقع الرياضي؟
عبدالله التميمي- الرياض
-ابدا انا عندي من بيض العيون والشكشوكة!
* صديق الجميع معوكس وش اخبار اصدقاء العمر بالنسبة لك متعب صويان وصحن قائم، يقولون ان ميولكم مختلفة وان العلاقة توترت؟
بدر العنزي- الجوف
-توترت ترجع نسيت وش قيل عن نور وشفه يتندح عندهم !
* الحبيب معوكس كيف ينفي رئيس أحد الفرق أن ميوله لنادٍ ثانٍ، وينسى تغريداته وجميع ما كتبه في المنتديات.. ظنك دوري جميل خلاه ينسى ماضيه؟
فيحان العتيبي - الطائف
-الشوق هزه مثل هزة ادارة الاتفاق لهزازي!
* المحبوب معوكس: هل تعتقد ان التعاون وصل للمركز الثالث بالصدفة؟
سفير الحلة - الخبراء
- لا والله السكري وصل بالجد والاجتهاد!
* العزيز معوكس معقولة يقولون سجل سامي الجابر ضعيف وما يصلح مدرب ومع هذا اشغل بعض الجماهير والاقلام عن فرقهم.. وش السالفة؟
راشد الدوسري-الخبر
-الله يعينهم الهم همين وهو ماهمه!
* الناقد الكبير.. شكل امور البعض ماشية زي الحلاوة، ما عليه خوف، وزي ما قال المثل (ما جاع من امه الخبازة)؟
يوسف السعيد- بريدة
-شويه خبازة الابعد تضبط المفطح والمندي والحنيني!
* الشاطر معوكس وش اسباب انتكاسة الاتفاق.. قلنا اموره ضبطت وآخرتها يدخل مرماه تسع اهداف في مباراتين.. تهقى غوران اصابته عين؟
فهد الدوسري- الدمام
-غوران طالع منها بلاهم من التصاريح والبيانات!
* صديقنا معوكس اوصف لنا احوال الدوري في المراحل القادمة.. وهل تعتقد ان هناك متغيرات ستحدث خلف الكواليس؟
سعد الشهراني - ابها
-أسأل وكلاء اللاعبين يمكن عندهم خبرة!
* متى على خير يامعوكس نشوف التعاون في دوري ابطال اسيا مع الرائد، يعني يمكن نشوف قمة بريداوية سعودية آسيوية والمعلق فارس عوض والحكم المجري كاساي؟
فهد الحمود - الكويت
-تشوفها في البلاي ستيشن آويلاه!
* العزيز معوكس.. شفت التقديم على رئاسة الاتحاد، وش ذي الزحمة والتزاحم، الجماهير ماتبي بهرجة في البداية ثم اعتذار، تبي صدق وعمل وانتشال (العميد) من براثن بقايا مختطفيه؟
الاتحادي احمد عبدالله- جدة
-الضحكة واحد متقدم وماعنده الاوعود!
* تحياتي يابو العواكيس لك ولجماعتك، وصحيح ان الدعوى في بعض البرامج صارت (تنظيم) مقابلات وحوارات وتكفى استضيف فلان، ونبيك تناقش بعض القضايا، وارجوك لمع النادي الفلاني وحاول تجيب الاخبار السيئة عن المنافسين؟
محمد العوفي - المدينة المنورة
-صحيح ومابقي الا بث بعض البرامج من المدرج او بوفيه النادي!
* من اكثر لاعب تمون عليه يا معوكس، رونالدو والا ميسي.. نبي فزعتك وتجيبه يلعب لفريقنا وشرط ما يردنا الا نهائي اسيا؟
الحتماوي عبدالله العنزي - حائل
_فريقكم يابعد حي مافيه حيلة لو تجيب له منتخب البرازيل!
*الغالي ابوالعواكيس تحية طيبة وبعد:
بصراحة وش رايك في ادارة الهلال تستغني عن الحارس فهد الشمري وتفاوض النجعي تشوف بينهم فرق
نواف الصيخان-حي الفلاح
-مابينهم فرق الا خسارة ملايين لو حولوها رواتب ابرك !
*قاهرهم وحابس دمهم ابو العواكيس تحية طيبة وبعد:
ماتلاحظ ياصديقي ان بعض الناس أزعجونا بتشكيلات الجماهير ووش تذكرك به
أحمد الحمد-بريدة
-يذكرني باسبوع الزهور في متنزه سلام!
*صاحب المليون رسالة معوكس
تحية وبعد:
تكفى توسط لنا عند مدرب الشباب يرجع النجم المحبوب ابوعلي حسن معاذ بصراحة خانته شاغرة
الشبابي-عبودي
-خانته شاغرة وخانه لسينه على الهواء!
*الاملح خفيف الظل معوكس
تحيه طيبه وبعد:
يقولون انك حلال المشاكل استشاري نفسي كبير انا مزاعله صديقتي وافكر والنتيجة الليلة حاسمة خاصة انها تغش مني في الاختبار
عاشقة الموج الازرق
_حاسمة نهائي الدوري ولا الكاس؟!
مع تحيات معوكس وسلامتكم
للتواصل مع معوكس
بريد الكتروني sport@alriyadh.com
فاكس 4871070