ريف الضعيف

مرحوم ياعيد الارامل والايتام
يلي على شعبك سحاب وربيعي
يفخر بك الاسلام يالصقر صرام
كلاً بحد السيف لك مستطيعي
يلي حميت الشعب عاماً بعد عام
مشكور ياريف الوطن والجميعي
واللي بكى فرقاك ماهو بيلام
دمعه على الخدين يجري سريعي
المغفره للي فسخ ثوب الاحرام
قولوا تمام وكل واحد يذيعي
حتى محمد صفوت الخلق مادام
نبينا اللي في المقام الرفيعي
اليوم عبدالله لنا درع وحزام
ان جاء نهار يشيب فيه الرضيعي
ريف الضعيف ان جات قسوات الايام
والشعب في ظله يعيش ويطيعي
اقولها عدة مصلي ومن صام
جعله عن السيئات دائم منيعي
فليفله سلمان المشرافي المطيري