ظل الحجاج

الدوافع لاتهيض شاعر ٍحرفه درج
فارق عد المشارب ماورد عد ٍ هماج
والله إنه مايكدر خاطري حلق ٍ هرج
غير هرجة من وقاره رفعة ٍ للرأس تاج
الرفيق اللي لسانه فالقفاء رمح ٍ زرج
يلطم العين الكريمه من تحت ظل الحجاج
النوايا ماكشفها غير خلاق ٍ فرج
والبشاشه فالوجيه البيض مكنون ابتهاج
موقد النيران حاطبني بناره لاسرج
ولالقيت لجمرة المعلوق من ضيقي خراج
العمر يبدأ ويفنى مارجع لأول درج
سلّم ٍ يرقى ولاله فالقدر حكم احتجاج
مايقد ألك الدروب البينه ممشى عرج
والرقاب العوج لوتعدل يجي فيها انعواج
الحرج موقف شجاع ٍ فاير ٍ دمه حرج
ماقوى كسر المقام ولا انجبر كسر الزجاج
من يبري ذمته بالحق أله نور ٍ برج
حصّنه واليه مال الضيق في صدره مداج
ومن تنحت به أسلومه عن مذاهبنا خرج
والعوايد والمراجع مالها سوق وحراج
من حدته ظروف وقته لين من وجهه كرج
ناثر دمه وحادي حاجة الظرف احتياج
لولو عقد وجوهر الصراف من فكر ٍ عرج
صاغها شاعرٍ وباسمه فايق الجوده نتاج