في جنة الفردوس

يالله يا محيي العظام الهميدة
وبقدرتك عقب المحل يخضر العود
ندعوك باسماك الجلال المجيدة
تغفر ذنوب اللي بذل كل مجهود
اللي بذل جهده بنشر العقيدة
مترجم المصحف اليابان وهنود
طبع المصفح للقريب وبعيدة
بالشرق والا الغرب ميسر وموجود
وذلل صعوبات لغيره مكيدة
شق الجبال ووسّع الطرق وسدود
وسّع حرم مكه ودايم يزيده
يشهد له الحجاج ومن زاره شهود
واللي نونا بالعدا رد كيده
عقب الصطاره صار خاسر ومقرود
به السجايا والصفات الحميده
يفرح قلوب ايتام وضعوف اقعود
لعل روحه في جنان سعيده
في جنة الفردوس خالد بها خلود
وعسى العوض باخوانه اسره حميدة
متوارثين الطيب من جد لجدود
عاش أبو متعب وأبو خالد عضيده
وخوانه اعوانه حرار له عضود
اللي على عداهم حراب حديده
يجي يدور الصيد ويصير مصيود
واللي طغا وعاند يلاقي عنيده
يمشي عليه الشرع والحق محمود
والشعب عايش له بعيشه رغيده
امن وامان وخير وسهود ومهود