التهنئة لك يا أبيض الوجه تنهال

يقول من قال البيوت الجديدة
بمناسبة ذكرى الفرح نظم الأمثال
باسمي ومن صان العهد والبديده
التهنئه لك يا أبيض الوجه تنهال
أهلاً وسهلاً قصد قبل القصيده
بنفوسنا الفرحه بكم ريف وخيال
يفوق ما خط القلم بالجريدة
ولكل كل الشعب غلاك بالبال
عسى حياتك يابو خالد سعيده
أمين ثم أمين في كل الأحوال
والله ثم والله والله وازيده
انه غريب مثلكم عبر الاجيال
طيب وكرم وافعال مجد حميده
قول وفعل وقفاتكم عز واجلال
وعودة سموك كل الأيام عيده
واكبر طلب تسلم لنا بالشفاء التام
ما نفقد البسمه بلحظه لهيده
تبقى لنا البسمة على خير ما يرام
وتعيش بامن الله سنين عديده
ظل وذرى لشيوخ وضعوف وايتام
جودك سعدنا بالظروف الشديده
يرتاح في شوفك بعض ناس ما نام
وتبقى ياخو مليكنا يا عضيده
للمسلمين وضد عدوان الاسلام
بالدين والسلم وصلاح العقيده
آل السعود وبس بالحق حكام
في لا إله إلا الله الحق سيده
ما صار للدعوه معادين واخصام
وان صار لا.. تحقيق الأهوى بعيده
الحق ما يخضع لبائع ومن سام
وأوصى الملك عبدالعزيز الوليده
ان العدالة من بها سار ما يضام
قال العدالة كل جمله مفيده
والصبر والتقوى وبه وصل الأرحام
جلعود بن لافي الهمزاني الشمري