فتنة الخافق

مرتاح في حبك أمريّح خفوقي
لكن غيابك لاعباً بي شويه
ياللي غرامك للمشاعر يروقي
مستوطناً فكري خليه خليه
بين العذارى فيك عدة فروقي
فتنة جمالا بالمزايا غنيه
يفوق فيك الوصف عنهن يفوقي
حوريةٍ ماانتي وصوف آدميه
ياعين حراً ما وقع بالسبوقي
مرباه في شمخ الجبال العليه
يشرق جبينك مثل وقت الشروقي
بإشراقته بث التفائل عليه
وحمر الشفايف كن دم العروقي
منها بدأ ثم أستقر ابمجيه
والصدر ماأظنه لعهدك يبوقي
لكن أشك أنه مزاعل خويه
يا فتنة الخافق وياشوق شوقي
أنتي جمالك ماركة عالمية
عندك على حفظة جميع الحقوقي
هو ملك لك وحدك وجاني هديه
تدرين أني لأجل وصلك شفوقي
وتدرين إن الروح قبلك خليه
ولا أخاف من فرقاك وأنتي بموقي
وعندي ثقه إن الغلا منك ليه
واللي على حبك مطمّن خفوقي
إنك على العشّاق صعبه قويه