مرحوم يابوفيصل

صبيحة ياشينها من صبيحه
كم باح فيها كل سد ومكنون
ياعين يكفي في دموعك سبيحه
منتي وحيده كم بكاء غيرك عيون
دنيا المذلة كل حين تزيحه
منها النبي وصفوة الخلق مدفون
مرحوم ابوفيصل عسى الله يبيحه
اللي عليه الناس بالحزن يبكون
من عادة الدنيا علينا شحيحه
وحكم القدر يمشي على غير قانون
عسى فهدنا بالجنان الفسيحه
في رحمة اللي له عباده يصلون
روحه عساها آمنه مستريحه
وتقبل دعا اللي للملك دوم يدعون
دنيا الشقا ياناس مافي مريحه
دنيا تقلب كل يوم لها لون
لا شك يأهل العرف هذي نصيحه
نصيحتي في منهج الدين تمشون
العمر يفنى والليالي شحيحه
هذي حقايق واقعة كان تقرون
هذا جوابي والمشاعر جريحه
على فقيد غالين به يعزون