* الأخ معوكس أتمنى انك تصدر بياناً عاجلا في حالة ان صيادا استولى على معظم الصفحة ولم يترك مساحة لك ولمتابعيك، نبي نتطمن انك قوي وبعدين وش قصة التعاون مع التحكيم وقصة الشوزل؟ سفير الحلة - الخبراء -صياد وفي ويا الله السلامة منه لا يلشطني بصيده اللي هبل ببعض الناس! * وش السالفة يامعوكس بعض القنوات تهمش مباريات فرق، ومهما حاولت معرفة السبب ما تقدر، وفرق اخرى لو يصرحون رجّوا بعض القنوات والبرامج رجاً.. ظنك فيه فيتو؟ محمد العبدالله- تبوك -فيه لن تمر مرور الناصرية ولا الروضة! * الأخ معوكس لايزال اللاعب صاحب المكالمة الهداف ناصر الشمراني يتربع على عرش الهدافين في الدوري فهل تتوقع ان يحققه للمرة الخامسة في مشواره الرياضي وبذلك يقترب من تحطيم الأرقام؟. عبدالله أبو نايف- عاشق حي المصيف -أهم شيء تحطيم ارقام البطولات والهداف لاحق عليه! * السيد معوكس هل يكون مصير الشباب مثل مصير الحزم في حال رحيل الادارة، وعندي اقتراح لأبي عيد لو يتم منع الزعيم من اللعب لمدة عام حتى يترك الفرصة للاخرين لتذوق طعم البطولات خاصة ان هناك فرقاً متعطشة لها؟ عبدالله صفوق - الرياض - اللي كذا تذوق الصدارة اجل وشلون البطولة شكلها ازمة مفاطيح قادمة! * الأخ معكوس يقولون النصراوية لا احد يكلمنا نحن متصدرون اجل وشلون لو اخذوا بطولة وش يبون يسوون بعد 18 عاما يتصدرون بفارق نقطة؟ متعب صويان - ولو معليش انا حقاني شغلهم زين وموبايلي! * وش هالرياضة كل صار محللا وناقدا وخبيرا وقانونيا ومحامىا يبيلهم مكتب اممي في دخنة او شارع عسير او في سوق الحمام. اخوك أبو ريالين -لا واللي يخليك تضحك كنك تتابع مسرحية لعادل امام عميد(...) اللي مسويها مستشار ومحامٍ والشهادة دبلوم بتقدير مقبول! * أستاذ معوكس هل تعتقد أن الغرامات المالية من لجنة الانضباط وحسم النقاط من الاندية التي يردد مدرجها العبارات العنصرية ستساهم في اختفاء هذه العبارات وماهو دورك في هذا الخصوص؟ طلال تروابه - شرورة -هذي مايوقفها الا طرد ذا المنظرين المتعصبين اللي فشلونا كنهم وسط الرابطة في المدرج! * متى يامعوكس يعتذرون لك خصوصا ان هناك من يحاول تقليدك في بعض الصحف ولكنه فشل؟ راشد الدوسري- الخبر - فشل مثل اللي ازعجنا بالاسطورة الله (يخلف) عليه هو واسطورته! * صحيح يامعوكس انك فنان وان عندك كم (cd) لم ترَ النور وان اغنيتك المفضلة هي (سيدي ياسيدي)؟ فهد العنزي - عرعر -سيدي..ياسيدي..وغرد يامغرد في مجلس ابو حمدان! *الحبيب ابو العواكيس تحية وبعد: معقولة اسامة المولد وسعود كريري يتركون العميد بعد هالسنين انا ما أصدق يبيعون معشوقهم بسهولة تكفى يالفنان ابي رأيك طمني. سلطان اليامي-جدة -لابالله صدق اليوم مافيه عشق ياحبيبي قبلهم ابونوران وهزازي! *قاهرهم وحابس دمهم ابو العواكيس بعد المحبة: وش اخبار البعض عقب تهديد «لن تمر مرور الكرام» احمد الحمد-بريدة -مرت ولا حتى تلفت ومرار خلاني الدهر! *صاحب المليون رسالة معوكس تحية وبعد: ابيك تجاوبني بصراحة اللي في التويتر يغردون ويعترضون على قطع بث في مباراة او غيره معقولة يصنفون اعلاميين. نواف الصيخان -حي الفلاح - معقولة وبكره تشوفهم في لجنة أصدقاهم! مع تحيات معوكس وسلامتكم للتواصل مع معوكس بريد الكتروني [email protected] فاكس 4871070
