شديد الوقايع

الله على من ذا الخبر فيه ياسعود
أودع على نفسي شديد الوقايع
أقوم واقعد ووجس الزفر بصعود
ماهوب هين من كبار الفجايع
فقد الفهد كايد على الناس ويزود
مرحوم جعله في جنان رفايع
مرحوم يامنهو نهج منهج الجود
مرحوم قلبي عقب هذاك ضايع
عساه مرحوم عن النار مردود
مثواه بالجنة وسكناه رايع
في جنة الفردوس والوقع محمود
جار النبي آمين ذيك النوايع
هذي ترى الدنيا بها وجه وصدود
الله يجبر بالعزاء كل طايع
والله يعظم أجر أسره آل سعود
في رأسهم خادم ابيوت الشرايع
والله يعظم اجر شعب العرب زود
والله يصبرنا على كل لايع
وبلادنا تصبر على أيامها السود
فقد الفهد كايد وجل الفظايع
حنا على حكم الولي صبروصمود
والموت سنة مابهذا نزاع