لحظة معاناة

أصلاً خلق ها الشعر لحظة معاناه
وانها شرود الفكرواثبت مطبه
تفاعلاً بين الخفوق وحناياه
حالة توطن فكر بعماق غبه
مثل الحمم غيض تناثر شظاياه
الحس للي بالحنايا لهب به
شفت الهوى وابسط بسيط بهداياه
وشفت الغلا يامن جهلت المحبه
جيته من اقصى الموت لادنا دناياه
كل ما ذكرته خافقي يرتعب به
بين ملامح من سلم من ضحاياه
وفارق شعور اللي غرب واغترب به
شف هالقصايد هي شواهدعطاياه
وكم بالورق يا كثر حس كتب به
يا كثر بعيوني خطاه و خطاياه
ويا كثرمن يحسب عليه وحسب به
يقفاه موت الحلم اوحلم يقفاه
اما خذاه البعد والا قرب به
يا مفتعل أجمل شعور تهياه
شور الحكيم لجاهل الشي كبه
يا صار مالك من جزايل رهاياه
لا تستبيح احساس حيٍ طرب به
وإلا انت ما تقدر على شي ترضاه
خذيت شي يوم غيرك تعب به
اصل التميز غير وجه المباهاه
حلم ضمي يضماه مهما شرب به
كلٍ توضح له طريقة نواياه
والرابح اللي خايف عقاب ربه
وانا ثلاثيني ثلاثينها تاه
بين اعشقه بين اكرهه بين احبه
راعيته اكبر من حدود المراعاه
خايف اثور بلا عقل وارتكب به
الصبر جيته من بدايته لأقصاه
غيب كثير وكم حكيم غربه
و الشعر مخلوقٍ وليد المعاناه
طب الخفوق اللي تعذره طبه
أحمد دلي الهزاع