كيف رحت

بين ذكرى بوحك بليل الندايم
وطيفك اللي ما يفارق شوف عيني
ما اقدر أنسى وانت على البال دايم
ولا اقدر اسلى وانا مقلقني حنيني
كيف رحت وراحت مزون الغمايم
كيف صرت أشدّ وطأه من سنيني
وكيف غابت عن هل العزم العزايم
وكيف بانت دفنة الحب الدفيني
يا هيام الهايم اللي راح.. هايم
يا مناتي اللي طارت من يديني
والله اني دخت من كثر الهزايم
والله اني ذقت موتي.. قبل يجيني
متى يصفى جوي اللي صار غايم
متى يطفى اللاهب اللي شب فيني
محمد الحميدان