الاسبوع الماضي كان بيت الاسبوع حول مقترح الاخ عبدالعزيز الغازي من الرياض لموضوع صعوبة الحصول على سرير في المستشفيات الحكومية.. للشاعر مبارك بن محمد طرجم الدوسري من وادي الدواسر والذي يقول مشكله ياناس وحلول بطيه المريض يموت ماحصل سريره وكان الصدى من الشعراء صنفوها بالامور الاولية ليت ناس يبحثونه بالبصيره والحكومة دعمها يعطي مزية كل مستشفى يعان بكل ديره والحلول مقربة ماهي بطية كل مسؤول يتحمل من يديره علي رشيد الرشيد - رياض الخبراء المريض معذب بروحه وجيه نفسه المسكين ممتره مريره ماحصل له موعد في كل جيه ولا تنوم فيه والحاله خطيره يرجي الله يطلبه لاصار هيه يرحم احواله ويكشف للضريره احمد عبدالله الوايلي -حوطة سدير وين يذهب من به امراض ٍعصيه موعده ريض ولا حصّل سريره حاله ضعيفٍ ولا من مقدريّه للمشافي اللي تبي فلوسٍ كثيره من فضل ربي لنا بلادٍ غنيه دولةٍ تمتاز بالأرض الكبيره ننتظر تبنى مدن طبٍّ قويه في المناطق أو بعد في كلِّ ديره ناصر بن جمعان آل عوض - وادي الدواسر كم مريض(ن) راح وبالمعنى ضحيّة لا علاج(ن) صح ثم يلقى مصيره لا رقابة صارمة ولا هي قوية لا طبيب(ن) صح ضايع في مسيره يا وزير أرجوك فكر بالقضية أنت مفتاح الشرف وأنت تديره محمد بن عبدالعزيز الخنيف ر /أشيقر مشكله صارت لنا أكبر قضيه مشكله بالمملكة صارت كبيره الوزاره عارفه ما هي خفيه عالجوها صارت أوضاعاً خطيره نرجي حلولاً جديداتً قويه والأسره ودنا تصبح كثيره خالد صالح العيادة الدكاتر والسلوم اللي ردية كم خطأ شفناه وأفعال(ن) مثيره القلوب الصافية مع طيب نية والنوايا الطيبة دايم يسيره يا طبيب افهم ترى النية مطية للمريض أخلص ترى الدنيا قصيرة ريان محمد الخنيفر -الرياض بيت الاسبوع تجاوبا مع مقترح الأخ سعد العبد المحسن حول وجوب الحذر من التواجد في مجاري السيول وبطون الأودية اثناء خروجهم للتنزه والرحلات البرية وخاصة موسم الامطار ارسل للصفحه الشاعر حمد عبدالله الوايلي من حوطة سدير هذا البيت ياصاحبي بالك تقرب من السيل كم واحد في غفلته جاء وشاله نستقبل صدى هذا البيت بثلاثة أبيات فقط تدور حول هذه القضية الهامة ويفضل الإرسال عبر الإيميل [email protected] او على الفاكس ( 4871070 / 01 ) مقترح لموضوع بيت الأسبوع القادم ارسل للصفحه الاخ عبيد مونس العيد من الرياض مقترحا لموضوع بيت الاسبوع القادم وهو وجوب التشديد في رقابة الابناء اثناء الاجازات
