عابر سبيل

يا عين خلي ليه دمعك سكيب
الدمع اذبل بخدك والهدب ذاب
مستحيل انساك وانت لي نصيب
القلب من حبكم يا زين ماتاب
ياسكن بروح عن عيني ما تغيب
ويا بدر في سمايه لليوم ما غاب
انت دواء علتي وانت الطبيب
حبك ملكني وتعدى جال السحاب
الله من جرح في قلبي عطيب
كلي طعون اتجرع مر وعذاب
اتصبر واقول انا حظي عجيب
كيف المشاعر حيه والقلب منصاب ؟
دوك تحسس جرحي دوبه رطيب
مالي يا كود اصبر والحب غلاب
واللي خلقني مالي غيرك حبيب
صديت عن غيرك وغلقت الابواب
غديت عقبك عابر سبيل غريب
احمل آهاتي من همومي زهاب
جيت لك اشكي من شي مهيب
ما جيت لك احملك لوم وعتاب
انا وروحي وعمري ابد مانخيب
صرنا تحت عينك وبيدينك كتاب
تعال قبل لاتهف شمس المغيب
راحت سنين العمر والراس شاب
عبدالرحمن الكريمي