درع الوطن رجل الدهاء حامي الدار

عسى المطر في ساحة العدل مدرار
يمطر على قبرٍ سكن فيه نايف
حتى يفوح العشب في عطر الأزهار
يكسي صعيده مثل لون القطايف
مرحوم يا اميرٍ غدت فيه الأقدار
أقفت ركابه والمحاجر ذرايف
نبكيك يا حرٍ شهر بين الأقطار
صيته تعلا فوق روس النوايف
انا اشهد انه بالمهمات بتار
زيزوم نجد اللي ندر بالوصايف
نايف حكيم الرأي للدين نصار
له كلمة ٍ تشبه لحد الرهايف
درع الوطن رجل الدهاء حامي الدار
في موقفه كل الثقايل خفايف
اللي على السنه دحض زيف الأشرار
في منهجٍ يردع هوى كل زايف
الله يجبر كسر وافين الأشبار
آل السعود مسددين الهدايف
ويجبر عزانا لله اليوم ما اختار
عساه في جنات علين طايف
عبدالله بن محسن الطريسي