الخير بالحسنات يكثر او ينساق

يا جامعين المال للمال عشاق
ولا كل من يجمع بنفسه قناعه
المال ينفد لو يكثر أو ينعاق
ومن لا نفعه بالمال يطوي شراعه
يا جامعة خلك على الخير سباق
اللي على فعله قوي اندفاعه
ما قدم الانسان من قبل صداق
يوجر على ما قدمته وستطاعه
التضحية بالمال في بذل الانفاق
اخيرلك يا صاحبه من ضياعه
طوع يمينك للعطا وانت مشتاق
ما تقدمه يمناك تلقي نفاعه
من قدم الحسنات يحظا بالارزاق
ما تنقصه وتزيد له في متاعه
الخير بالحسنات يكثر او ينساق
يبقى ويحسب في رصيدك وداعه
في بيتك البدروم بكره الياضاق
يفرج وبمر الله يزيد اتساعه
ما تصفي الدنيا على كل ما لاق
كم هازم اللذات فرق جماعه
خلقت كذا دنيا على جمع وفراق
وش عاد بالدنيا ما فيها طماعه
الا بطاعة رافعاً سبع الاطباق
يسجد له المخلوق سمعاً وطاعه
حيث البشر مخلوق والرب خلاق
يالله نطلب رحمتك والشفاعه
وصلوا على المصدوق محمود الأخلاق
يالله عسانا كلنا من تباعه
ويدوم حبه بالضماير والأعماق
ومزروع حبه بالضمائر زراعه
عزيز عوض الذيابي