حبيب الروح

على بساط الريح يا طير من فوق
افرد جناحينك لحمل الرساله
وان واجهتك اغيوم وارعود وابروق
خذ الحذر واعبر برفق وسهاه
حتى تجي لهناك عند احمر الطوق
الصاحب اللي منفرد في جماله
اللي على لقياه ياخذني الشوق
اللي تربع في فؤادي لحاله
قله شعوري نحوه يسوقني سوق
وقله ترى لايمكن ارضى بداله
وبلغه ما فيه في الكون مخلوق
يقدر يغير قلبي اللي صفاله
واذا عرفت انه من البعد محروق
لا تتركه حتى ويرتاح باله
وان شفت خلي فاض دمعه من الموق
حاول تصد وتنصرف في عجاله
ماريد زين الوصف والحسن والذوق
يضيق صدره وانت واقف قباله
ما تدري أني لي شرايين واعروق
من نبضها اعرف كل شي جراله
ما تدري ان بقلبي احساس موثوق
يطري علي بكل شي طراله
هذا حبيب الروح يا طاير الشوق
اهيم في حبه وكلي فداله
عبدالله الطفيلي