برد فرقا يورّث في المشاعر لهيب

ويش رايك نودّع بعضنا يا الحبيب
في سكون الليالي دون يدري احد
البلد ذي وحيشه واشعراني غريب
والغريب يتضايق لونفاه البلد
جيتك اول وقلبي للندا يستجيب
كل خطوه يردد ياحلاة الوعد
يزرع احلام عمره.. يارداة النصيب
شوف بالله عليك نهايته وش حصد
الحقيقه حقيقه لو تحلّت بريب
والعيون اتكلّم لو خجلنا جحد
دام يوم الملاقى فيه صمتٍ رهيب
والمفارق لسانه طول طول العهد
نبتعد عن بعضنا دون نجرح قريب
لايهمك عذولٍ قال عندك ولد
يمكن الجرح فينا من زمانه يطيب
يمكن الفرح يكبر من سنين المهد
برد فرقا يورّث في المشاعر لهيب
خير من جمر! وصلٍ لو يطوّل برد
احمد سارح