الله يجبر عزا من ذاق طعم المرار

آجال وأعمار عند الله طوال وقصار
الموت حق ٍ ورب الكون مجر السنن
الله يرحم بنات الجامعه والصغار
في جده وحائل ب يومين حزن الوطن
فيْ.. ألْتحام الحديد وفي لهيب ٍ ونار
راحن ب منْظر يهز الروح ويّا البدن
في موقع الحادثين الصوره اللي دمار
مثل السكاكين في قلوب الحضور اطعنن
ما بين خوف وهلع صدمه وعقل ٍ مثار
محْدن مصدّق عيوْنه دمعهن مرجهن
لكنّ هذا قضا رب المخاليق صار
والمؤمن اللي باأمر الله رضى واستكن
ما كان مكتوب ما دونه محيل وستْار
ياصل على العبد لوّ انه ببرج وحصن
الله يجبر عزا من ذاق طعم المرار
والله يجعل لهن جنات خضرا سكن
مقرن بن متعب الهرف