من لا يراعي خطوته قبل ممشاه

هذى عواقب من تهور بدنياه
ويضيع اسباب النجاة بحياته
من لايهين النفس في طاعة الله
خسران ضيع فرصته في نجاته
واللي يتكبر مايخافه ويخشاه
ماتنفعه يوم القيامه صلاته
من لايراعي خطوته قبل ممشاه
ولو تعدا الجرف طاح بحصاته
من عجز مايقضي لزومه بيمناه
يصبر على ماجاه والزين فاته
واللي يتهاون بالمراجل تعداه
عدالنعم صارت عليه الشماته
صاحب قرين السؤ بالسوعدواه
قبل يتم الحول ياخذ صفاته
الشايب اللي ماجمع مال يرفاه
يموت غبن قبل ساعة وفاته
من يامن الدنيا سريع تبلاه
ياسرع هجمات الزمان بعصاته
من لايفكر في العواقب توطاه
يموت حسرة مايحقق مناته