انت السلامة

هذا انت رديت .. يا اللي يوم ما غبت
عن قلب شعبك .. وسجادة صلاته
سلمت .. ما آقول انا يا سيدي طبت
يا والد الكل .. وانت: الطيب ذاته
حنا نتحمد لرب الكون فيك انت
انت السلامه .. وشعبك بك نجاته
من مثلك .. الا انت .. يحيي ذابل النبت
ويفدي حرم بيت ربي في حياته
ومن مثلك .. الا انت .. يا مولاي قربت
شعبك .. ووزعت حلمك في جهاته
أمنت في طاعة الله ناس .. وارعبت
عدوك .. اللي بكفينك شتاته
حنا: هل الجمعه .. و علم: هل السبت
لعل يصحى المغفل من سباته
رجع لنا مجلي عن صدورنا الكبت
رجع لنا راجم ابليس بحصاته
وانا المقصر بوصفي لك لو اسهبت
يا والدي .. لكن الشعر: التفاته