عواكيس

*الأخ معوكس متى إن شاء الله تعلن انسحابك من الوسط الإعلامي دون رجعة؟
فهد الرويتع - الرياض
-وأنت مصدق اللي يقول دون رجعة ومن فارق الفلاشات ربي يعينه!!
*الصديق معوكس متى بيوصل مدرب الأخضر؟
سلطان النفيعي
-أنت َأضمن أنه يوصل أن بغى على القطار!!
*السيد معوكس بعد التحية. هل أصبح الوحدة عقده للاتفاق؟
عبدالله المطيري أبو نايف عاشق حي المصيف
-حسب قرار المحكمة!!
* الأستاذ معكوس ما ذبح الهلال إلا المجاملات الدفاع شوارع الهجوم خارج التغطية مجاملة فيللهمسون يغيب عن التمارين وعزيز غاب ولا يهمه أحد ويا قلب لا تحزن آه آه آه ياهلال؟
أبوصالح الرياض
- وآه آه ياتويتر!!
*عزيزي المحترم معوكس: أنا أقول إن كالديرون بيت النية في خروج الهلال من البطولة بعد إعلان الإدارة عن الاستغناء عنه وبعدين أنا متوقع إن الاتحاد ما راح يأخذ ولا بطوله حتى آسيا ما راح يأخذونها لأنهم محتفلون بفوزهم على الهلال بطولة، أنت وش رأيك قل بصراحة ولا تجامل ؟؟
صديقك معاذ الحميد - مرات
- بيت النية ولابيت المندي!!
*الأخ معوكس: وش رأيك بحركة ديمتري البهلوانية بعد هدف التعادل على الهلال؟
سفير الحلة - الخبراء
-شكلها طيرت الخطة وراح فيها العميد في النهائي!!
*النعيمه يقول جيل أسهم الخشاش عاد أخوك خسران في أسهم الخشاش أنا معهم تكفى علمني
أخوك خشاشي
-أبو فهد قلبها محلل أسهم ويستاهل منصب المشرف على السوق!!
* العزيز معوكس وش رأيك بالإعلامي اللي يكتب باسم غير مذكر هل ذلك ذكاء أم خوف من احد؟
هادي النومسي- الحايط
-لا خوف من تسكير البزبوز!!
*الأستاذ معوكس وين ناوي تقضي الإجازة أكيد حاجز على زيوريخ او فينا.. قل الحقيقة؟
سعود الرويلي – عرعر
-الحقيقة غدت مثل الخيال!!
*ليش هوساوي يامعوكس يبي يحترف في أوروبا يعني الرجال ناوي يسلم على خالد الغامدي في سويسرا؟
خالد الجربوع - الدمام
-ما درى أن اتحاد الكرة هد الكباري على روس الربع!!
* صراحة بعضهم شكله يحزن يوم انسحب بعض الناس من الساحة الرياضية شوي ويبي؟
حمود السويلم - بريدة
-أولهم عميد ال..... اللي تحول لمحامي بشرط زيادة المكافأة من موكله!!
*وش رأيك يامعوكس بكلام المعلق يوم قال ابتعاد بعض الناس يسد النفس؟
عبدالله الطريقي- الرياض
-قصده يسد الجيب!!
* من أول يامعوكس اشغلنا الهريفي بحفل اعتزاله متى يصير هالحين طلع ماجد عبدالله ترى من بيكون الدور عليه؟
يوسف الرميد – تبوك
-يصير خير وحسب دفتر أبو أربعين!!
*الحبيب أبوالعوكيس
تحيه وبعد:
إذا كان بعض المرشحين لرئاسة الاتحاد اللي على بالي عنده ملايين وضحكني يوم رشح نفسه وش عنده؟
صديقك- حمد الدوسري-ابومبارك-العزيزية
-عنده عشر سمسميات!!
*عزيزي معوكس
تحيه وبعد:
وش رأيك في دعاية ياسر وعبده والشلهوب والله ما اغير خطي
عبدالملك المرشد - عرقه
-ودك إنها والله ما أغير عرقه!!