تعبنا

تعبنا نطق ابوابهم ماحدن موجود
تعبنا ياقلبي ننتظرهم على شانك
إذا ان المواصل ماله بسلمهم مردود
يكفّيك صدك عن غلاهم وهجرانك
وإذا قربهم دربه لاجل جيتك مسدود
فمان الكريم اللي يعزك ولا هانك
أنا ماخبرتك غير حر ٍ بدون قيود
عزيز ٍ تخلى كان ماحبهم صانك
تنحى وجنّبهم ترا تركهم محمود
مادام انهم هاوين بُعدك وحرمانك
ومدام انهم شحو على آخر العنقود
خلاص انسحب لاصار ضنك هنا خانك
تراهم يحدونك على الذل وانت تعود
فلا خير في طيبك ولا خير باحسانك
أحدك على موتك ولا تقرب المنقود
رفيع ٍ تموت ولا يوطيك تحنانك
تطيب الخواطر لا تعدى الصدود حدود
ويضحك لك حجاج المفارق على شانك