لغز الأسبوع الماضي من طرح الشاعر محمد صالح الأطرش من رياض الخبراء والذي يقول: أنشدك عن بنت تثير النقاشي صارت سبب للمشكله بين الاثنين والبنت في موقع جديد وناشي لقوا لها حل بالانصاف راضين وحلول الشعراء للغز: احدن دفع قيمه وأحدن بلاشي وناس تبي مناصف وناسن كريمين واحدن سكن بيته ولا هوب ماشي والتكلفه ما بين الاثنين نصفين أحمد بن ناصر المحرج - الرياض يا جار قم بالسور والآجر كاشي بالنصف أنا وياك بالعرف والدين فذبح لكم يا جار هرفي وحاشي يالله عسى الجيره تجدد وصافين عبدالله عبدالرحمن العجلان - البكيرية يا مرحبا بك وانت قاعد وماشي واهلاً هلا بك عد ما يثمر التين والبنت ما تحصل مع أهل المواشي هذي مباناة مع الجار نصفين علي رشيد الرشيد - رياض الخبراء يا مرحباً بك عد ما فاض ناشي ويا مرحبا بك عد بنت البساتين اللغز هذا حاصل به نقاشي البنت مبنى السور ما بين جارين محمد أبو دحيم - البدائع يا مرحبا ياللي على الحبيب ماشي ياللي مع الجيات والروض ماشين اللغز واضح ما يصيبه غطاشي هذه ميا ناة نشت بين جارين فالح غازي الحربي - رياض الخبراء البنت مباناة تثير الهواشي والشرع ساس الحق بين الخصيمين فيها النقاش اللي على الصلح ماشي بالديرة اللي ساسها الحق والدين محمد بن عبدالعزيز الخنيفر - أشيقر البنت زوده نقص واخت البلاشي يا حيف ذكره عيب بين الكريمين طفاس لمباناة مابه إعراشي ما يطلبه غير العفون البخيلين فهد بن عقيل الطويان - بريدة الجار مع جاره مكرم وعاشي تفاهموا على المباناة فرحين تناصفوا تقاططوا بالمعاشي وبوا مبانيهم على العز والذين صلاح بن عبدالله اليابس - رحيمة لغز الأسبوع كتبه الشاعر مخلف سعيد الشمري من الأحساء ويقول: ويش شيٍ واضح بهاك البطين دايم معنا ولا عنه غنات شكله مدور ووسطه فتحتين وله أشكال منوعه شي ثبات ما انت حوله وافهمه كانك فطين اسمه مذكر ولا فيهم بنات نستقبل الحلول على الفاكس 4871070 أو الايميل [email protected] ونرحب بطرح لغز الأسبوع.
