يا شايل الديك بالسيكل لا وين يا صاحبي رايح للبيع .. ولاّ يبي يوكل ينتظره الماء وهو فايح عبدالمحسن بن محمد الجريسي - الرياض مرتاح للسيكل وفي سلته ديك عن عين ساهر دايجٍ فيه بالبيت ماهي مواتر في صيانه وتشييك تستهلك البترول وتحرق من الزيت سعد الحماد - روضة سدير يا راكب السيكل ترفّق على الديك أخاف من قو المطبه يصيحي لعل تاصل بيتكم عند أهاليك وديكك معك ودّه قبل لا يطيحي عبدالعزيز ناصر السياري - ضرماء على ظهر سيكلك متكّي ومبسوط وخلفك دجاجه دايخه من لظى الشمس أرحم ونزلها ترى الشور مصفوط والحق عليها قبل ما تنحمس حمس خالد بن ناصر المخيمر - روضة سدير اليوم جمعه شكلي أروح للسوق أبيع ديكي وأشتري لي غماره ارتز فيها أرفع الرأس بالطوق واطمر رصيف الخط واقطع إشاره عبدالكريم النغيمشي – الربيعية ولد وين أنت رايح بالدجاجه أنت شاري ولا موديها الحراج مبسوط وتتمشى على الدراجه انتبه لا تضيع إذا جاك العجاج محمد صالح الاطرش - رياض الخبراء الديك ياللي تشيله ما يعشي الضيوف لو طال عرفه ويذن قبل وقت الفجر أبوك مرسلك يبغا له تجيب الخروف واتجية فازع بديكك محتزم من عصر تركي بن حاكم الدلبحي - الجمش لا واهنيك بالطرب دالهٍ ساج توك صغيّر خالي الهم صافي ولا يهمك لو تماديت بإزعاج صورت ديك بالجريده يشافي حمد عبدا لله الوايلي - حوطة سدير رويعي السيكل موقف ومحتار محمّلٍ عفشه يبي مشية السير الله يحفظه من صواديف الاشرار وياصل المطلوب من دون تأخير علي رشيد الرشيد - رياض الخبراء في سني اليوم هالسيكل وبكره أصير طياري اعانق الجو بالنيكل يشوفه الكل.. وأصحابي عبدالكريم عبدالرحمن السلوم - القرائن طفلٍ صغيّر فوق سيكل معه ديك هذي هديه للصغيّر نجاحه حذرا يروح ابنك لدرب المهاليك وتندم علي اللي صار خذها صراحه محمد بن عبدالعزيز الخنيفر - أشيقر حيرني الطفل يا الاخوان راكب على سيكلٍ واقف شكله كما واحدٍ سرحان يناظر وشايفٍ شايف مبارك محمد الصغارين - وادي الدواسر مركّب على السيكل دجاجة مشاريع لاحم وموطنها الحقيقي فرنسا ان كان جازم يا ولد ودك تبيع شاور وعلمني ولياك تنسا سعود بن عبدالعزيز الهزاع - نعام ياللي على السيكل مركّب معك ديك أقول يا غليم لا تسرّع وارفق وأقول خل الديك الله يهديك اشوف شكل الديك متعب ومرهق سحر بنت إبراهيم آل مزيد - حوطة بني تميم نستقبل مشاركاتكم على إيميل الخزامى: [email protected] أو الفاكس رقم: 4871070 زاوية (صوت الصورة) ونستقبل الصور الهادفة والطريفة.. ويا هلا صورة العدد
