ألا ياوطنا ما أطيب املوكنا وأطيبك

سلامي عليكم سيدي . واستمع طالبك
تقبل ابيوتي من هجوسي ووجداني
ابيها التفاته حانيه من لدن جانبك
ترى ارضاك .. يعنا الشعب كله ويعناني
ماحنا بأهل غوغاء شوارع وأهالي دبك
اهل بيعة ٍ من عهد ابوكم وجداني
اهل ماقف ٍ ياسيدي في اللقاء يعجبك
على النهج الاول يوم زوغات الأذهاني
تحت راية اللي ياوطن قد سبكها . سبك
بنا , دولته ( يرحمك ) يالحاني الباني
تحت ظلكم عشنا جماعة وكم عاشبك
وطن والله انه ماش جنسك بالاوطاني
وألا ياوطنا في السماء ماتهاوى . أقببك
على رغم انوف اللي.. تعدووك من داني
آلا ياوطنا ما أطيب املوكنا وأطيبك
وآلا ما أطيب الشعب السعودي ولاهاني
على فعله اللي يطلق الوجه في واجبك
تلاحم كما صم الصفا الصلب ما لاني
يوم استأثر الاعلام خلط وضلال وعبك
تبين اخلاص افلان ! وافلان وافلاني !
تبيٌن غليل الحقد في قلب من خانبك
سعى بالفساد ويدفعه ضال وشيطاني
ألا يالخسيس ابك الخلا عن وطنا، وأبك
تحسب المواطن مذهبه واحد ثاني
تحسب الشيم تنباع ولا كما مذهبك
خسيت وخسا مثلك ومن كان خوُاني
وآلا يالله اني في الدجا كل ليل أطلبك
تحفظ الوطن واملوكه الشم وأخواني .
فهد بن حنس