غريب الدار

غريب الدار لاتحكي يكفي ياغريب الدار
شجون (ن) تسكن بصوتك أخاف أن زدت تبكيني
غريب الدار لا تتكي على سد الصبر ينهار
يحطم حزني العارم بقايا ضحكت سنيني
غريب الدار فبعادك عن ديارك لقيت أعذار
ألا منه غزاك الدمع قلت البعد ياعيني
غريب الدار وش عذري وأنا بين الاهل والجار
غريب بموطني تبرد على جرحي سكاكيني
أحاول أرجع الماضي أدور للفرح تذكار
أحاول في بحر موجه على الاحزان يرميني
سبحت وكلت متوني وقبل أغرق مع التيار
لفاني مركب الذكرى وعلى شطه رسى فيني
ذكرته والشجن نزف القصيد وجيت له مختار
من أفخر ما نزف قلبي على ذكر المحبيني
وأعانق طيف العابر وأغني و الجروح كثار
ضناني الشوق بغيابك أمانه لاتخليني
وتسرق لحظتي بسمه عليها الحزن مني يغار
وتردف بسمتى دمعه تعنيني وتشقيني
وأوادع طيفه العابر ويوعدني على المسيار
وأجي وأرجع على بحر(ن) من الاحزان يحويني
غريب الدار بشجونك سكبت الزيت فوق النار
وجيت من الوله سهران وجروحي تسريني
غريب الدار سولف لي وسولف ياغريب الدار
ولامن نامت عيوني أمانه لا تصحيني
عبدالعزيز الثابتي