صوت الصورة

سقيا العطاشا خارج المنطقه فيه
أجراً كبيراً من بغى يعمل إحسان
برادةٍ شبكت ومن مر تسقيه
بطريق بري ما وصل حيّه إسكان
سعود بن عبدالعزيز الهزاع
- نعام
برادةٍ شكلها ما فان
لو كان بأرضٍ خلاويه
خزانها فوقها مليان
وعدادها قوّة الميه
غازي بن قاعد العتيبي –الدوادمي
ماجور ياللي سبٌل المي ماجور
متصدقٍ به خالصٍ من حلاله
يسقيك من حوض النبي مع هل النور
وكم واحدٍ لا مر منا دعا له
سعد الحماد - روضة سدير
الما مع الكهرب تراهن خطيرات
يمسبّل الما فيه لا تذبح الناس
كهرب خطر كم حي من سبته مات
إلى انتفضبه طاح بعروق يباس
فهد بن عقيل الطويان – بريدة
يا نفدا اللي جعل في البر براده
كريم سبلا مسبلها مع ماها
موصلٍ كهربه ويسوق عداده
يبغى ثوابه جنانٍ طاب مثواها
عائض بن هادي القحطاني
صورة العدد الماضي
ماجور يامدوّر الإحسان
عند الولي تطلب الجنه
بالبر حطيتلك خزان
يشرب من جاه بالكنٌه
سبيتان شرار العنزي - بريدة
الأجر من الله يجي بالما
يا حض من حط له براد
خير الحكومه لنا عما
ركّب على شانها عداد
عبدالله الرفيعي
- البكيرية
برادةٍ بالدرب من فعل الاجواد
اجر وثواب وفعله اليوم يلقاه
يا الله يا المعبود رزاق العباد
تجعل حياته في سعاده وتجزاه
ريان محمد الخنيفر - الرياض
وش فايده خزان من دون سكان ؟
وأيضا بعيدٍ من طريقٍ سريعي
نسوه عمالٍ ولا زال ما كان
والكهربا والما شيٍ طبيعي
صالح الحربي
موية سبيلٍ صايره جنب كهرب
منهو وضعها باغي الأجر يا ناس
والناس تدعي له ومن مر يشرب
لاشك فعله خير.. طيبٍ.. ونوماس
مصلح تركي العازمي - الصالحية
برادةٍ حطها راعي إحسان
يرجي الأجر.. والمثوبه
هذي صفات إنسان
يا زين نهجه.. وأسلوبه
بشائر القحطاني
- الرياض
نستقبل مشاركاتكم الشعرية على إيميل الخزامى:
rb-khozama@alriyadh.com
أو الفاكس رقم: 4871070
ونرحب بالصور الهادفة والطريفة
زاوية (صوت الصورة).