شفني دقايق

تعال شفني دقايق بس واتركني
أصارع أمواج بحر الحزن بلحالي
ما أبيك لمصادم أحزاني تشاركني
ابا اجرع المر لجلك واشرب الحالي
يا أغلا بشر يملك إحساسي ويملكني
نسيان حبك يا نور عيوني محالي
ان هبت الريح من يمك تحركني
يهتز قلبي و أنادي يا بري حالي
وليا سرى البرق وسط الغيم يربكني
لمعة بروق المزون لخدك تحالي
لك ذكريات ٍبوسط القلب تنهكني
يا قو جور السنين وطول ترحالي
وشلون ابا أسلا وهم البعد يهلكني
أمسى عذاب الغياب المر واضحالي
احاول اوصلك قبل الموت يدركني
حمل المحبه سطا وضلوعي نحالي