وزود ٍ تبي منها يجيْلك بنقصان

ياسامعين النصح مني نصيحة
والشوف مثل التجربة خير برهان
أهل الردا وأهل النفُوس الشحيحة
لو هُم قريْبين ٍمعارف وصدقان
حذراك عمْلتهُم تراها كليحِه
وزود ٍ تبي منها يجيْلك بنقصان
لو كان حدِّك خير طِيب أو مديحه
طيبك يعوِّد شرْ وأصبحت منهان
وإن زدت جُود وقلْت عيب وفضيحِه
يخلِف عليَّ اللي فرض خمس الأركان
حكْي القفا لابد ياصلْك ريحِه
يقوا سبَّيتن مع إفلان وإفلان
أهْل النفاق أهل الوجيه البجيحه
خلَّوه لوْ هو ينقل الشوف عمْيان
وخلَّو علومِه بالرجاله كسيحه
للكذب جهَّز سرج وإشداد وإعنان
نصيحة ٍ يهْل الوجيه الفليحه
بالخيْر يجزأ فاعل الخير وإحسان
ماقِلْتها معاناة نفسِي مريحِه
ترْجمْت شكوى الطِّيب من قلب وإلْسان
قيفان شِعْري بالنصايح صريحِه
واللي سكت عن كِلْمَة الحق شيطان