أوضاع المشاعر

ليه ما نشعر بقيمة من نحبه
غير لا غاب ونحاه الوقت عنا
ليه جمر الصد في قربه نشبه
وان رحل عنا ندمنا وانغبنا
نحسب إن قلوبنا فالقرب صبه
وإن لمسها الشوق ذابت ثم لنّا
كن بُعد أحبابنا عنّا منبه
للقصور اللي لحقهم قبل منّا
ملتهين، وفاس (بعدين) نحطب به
الغصون الخضر في صحرا زمنا
والزمن يمضي ويدفعنا مهبه
لو تناسينا الليالي ما نسنا
لو تنبهنا وحسسنا الأحبه
باهتمام وفي غلاهم ما استهنّا
ما تلوعنا صار البُعد سبه
للجروح وللعذاب اللي سكنا
ولا سمحنا للندم سمه يصبه
في محانينا ويبطش ويتجنى
وصارت أوضاع المشاعر مستتبه
فالفراق وفالوصال ليا تسنى