موقف كريم الخلق طلق الحجاجين

تعبيراً عن موقف الأمير سلمان بن عبدالعزيز آل سعود حفظه الله عندما استقبل أبناء الشيخ ناصر بن سلطان بن غصن في مكتبه حفظه الله بقصر الحكم
الموقف اللي صار في يوم الاثنين
خل المشاعر تستثير الكتابه
موقف كريم الخلق طلق الحجاجين
زبن الدخيل اللي عزيز جنابه
سلمان نجد اللي رجح بالموازين
نوٍ سيوله تدحم في عقابه
سلمان غياث الضعوف المساكني
عن حاتم الطائي وقف بالنيابه
غيث اليامنه همل ما يقف لين
تسيل منه الاوديه والشعابه
ابو فهد سلمان ياحي ذا العين
من الموسس فيه كل التشابه
استقبل اعيال الرجال الكريمين
اللي لهم بين القبايل مهابه
محمد ابن غصن وخوانه اثنين
من سيدي حظيو بفن الخطابه
ذوي غصن ذخر الرجال المسمين
اهل المروه والصخا والذرابه
الهم على الطاله سلوم وقوانين
وافين من وقت النبي والصحابه
محمد بن مخلد الذيابي