عود الراك

انا من وين ماوجهت عنّك فالوجيه القاك عسى الله يكتب انك كل ماوجهت تلقاني أبيك لياشتعل بي جمر شوقي وانت مانت هناك اصد ووين ماصديت عنك القاك تبراني ارتب في تفاصيلي على مهلي وانا لولاك ما كان اسهبت في حرفي وترتيبه على شاني عطيتك من تباريح المشاعر والحكي يفداك وهنا لك في الحنايا نصف يطلب نصفه الثاني ليا منه لفحك من النسيم شوي واستهداك نفضت اغبار حزني واستلمتك داخل اجفاني اخذت من الحلا كله وراعيته يا عود الراك وانا دارٍ تفيض من الغرام العذب غدراني عيوني لو بغت تروى بشوفك كنها تضماك ! حييتك قبل لا احيا في حياتي ليت تحياني اخذت من الغلا ما تستحقه قبل ذاك وذاك مسافر ما لقى له بك وطن يا غربة اوطاني اهيض لك جناحين الشعر كل الشعر غنّاك واعرض هرجتك صفق الهوى حتى تعداني شعورِ يشبه .. الا يرتجف قلبي على ذكراك عليك اغار مني كيف تامرني وتنهاني؟