هدية حب

حلفت إني فلا ابخل بالهدايا يوم حبيتك
ولا اقصر معك في شيء لو قصرت ياالغالي
وبأعفي عنك لو تخطي وإذا جافيتني جيتك
أجيلك لأنك أنت اللي من أحبابي على بالي
عطيتك دمعتي وأشواق وجدني وناجيتك
وغنيتك قصيدة حب في حلي وترحالي
منحتك قلب ينبض بالمشاعر قلت ذا بيتك
تعال اسكن بقلبي دام قلبي يا غلا خالي
حبيبي وآنت قصة في كيان الروح خطيتك
رواية حب صعبة مالها أول ولا تالي
بغيت أنساك لكني تعبت وما تناسيتك
لقيتك غايتي وأحلام قلبي وأخر أمالي
حبيبي وش بعد ينقص وأنا اللي عندي أعطيتك
ولا باقي معي غير إني أترنم بموالي
وكانت روحي أغلى ما ملكت قمت وأهديتك
هدية حب من عاشق إلى محبوبه الغالي