يا راعي العز

قصيدة محملة بالحب إلى صاحب السمو الملكي الأمير خالد الفيصل بمناسبة عودته إلى أرض الوطن:
هذي الجبال وغيومها في سماها
وهذي البحور وأمواجها لك قوافي
وهذي النجوم اللي وجودك ضياها
وهذا القمر في جيتك ورد صافي
وهذي الطيور مغرده في بهاها
قالت هلا بشيخ الوفا يالسنافي
الروح تفدا سيدي لو بغاها
والعين أفرشها ولا أقول كافي
أيامنا ينور بوصلك سناها
وأحلامنا تنبع من إنسان وافي
يا سيدي قربك لروحي دواها
والشعر ينبع لك من القلب ضافي
ولك بالغلا روحي وعيني وماها
وياليتها في حق شخصك تكافي
يا شامخٍ كل المعالي رقاها
يا عالي متواضع ما يجافي
يا وافي كل القلوب احتواها
في مجلس ماهو على العز غافي
يا شاعر كل المعاني عطاها
قدر وقيمه ما بها اية خلافي
قلت القصيدة وما ابي من وراها
غير اني اشوفك بخير متعافي
وهذي الجبال وغيومها في سماها
في جيتك خفقات قلبي قوافي
الأمير تركي بن طلال بن ممدوح