استبشري يا ديرتي

استبشري ياديرتي وفالك الخير
بقدوم من شوفه يسر الفوادي
البرق لاح وفاح ريح النواوير
والعين نامت عقب طول الهجادي
ياسيدي سلطان فوح المباهير
ماطاب لي والحزن لبى المنادي
أقفيت وكن الشعب بصدره مسامير
واليوم جيت ومنك جانا الضمادي
ياذخرنا وقت اللقاء والمعاسير
يامهيب الصاطي وسيف البلادي
شابت بي اوصافك وفي وصفكم غير
نوماس للشاعر ونعم المرادي
يامرحبا واعداد ماغرد الطير
وأعداد من صلى فحضر وبوادي
بلى فعوله طيبات مشاهير
ينصاه من يرجيه ماعنه حادي
يضفي على منهو حياته مخاسير
حتى ارتوى من فيض جوده وسادي
وكل منصب جاله سعاله بتطوير
بين الحزم والعفو رجل قيادي
مجهود ابو خالد يفوق التصاوير
محفوظ ماقدم كريم المبادي
وقواتنا يمك تسوق التباشير
وكل ساعد" شمر لصد المعادي
وضباطنا وأفرادنا لك طوابير
للدين والشعب السعودي نفادي
سعود بن جمعان الفطيماني