هلا بسلطان

هلا بمن هل ما هلهل همالٍ وهل هلال
هلا بمن هال يوم أنهال شيءٍ هال هماله
على روس العدى صبت بردها كنه الشلال
يذوق الغل من به غل لين النار تغتاله
عدى عادٍ على جابر وعديتوا له المعدال
تبا تعد السنين وعدهم ما عاد يعداله
وقفتوا دونه ورديتوا المكيال عشر اكيال
جزى الطاغي بطغيانه يذوق الموت وانكاله
وتسلسل سل يوم أنسل حوثيٍ وجته إرسال
سماه اسراب كشف حساب للاسباب مرساله
هلا بالخير وجه الخير به تضرب به الامثال
جواد ان جاد ما به جاد فالامجاد بامثاله
هلا بك عد مانساقت من القبلة مزون خيال
تباشر به بشر تستبشر اليا شافت خياله
لياروح على دارٍ سقاها وابلٍ همال
سقاها ساقي لنساق كل مسيلٍ ساله
هلا بك ما هلا بين البشر قيلت وقيل تقال
هلا بسلطان سلطان الكرم سلطانه ماله
وهلا برمز الوفاء ترفع له البيضاء على ما طال
تعلمنا منه علم الوفاء في جملة خصاله
أمير المنطقة من منطقة تاقف على اية حال
تعرف أنه هرم قمة رجوله دوله لحاله
زعيم للزعامه فيه وسم. ورسم. واستدلال
أظنه ظاهره فالكون ما به شخص يحلاله
عسى دار تحت حكم الذي عقاله يمين مال
يدوم بها البقاء والعز من طاله اليا طاله
مليكٍ ولا وصله العلم وقف كرر السؤال؟
لابو غينِيس وارقامٍ قفت غينِيس منشاله
تصدق ما تصدق فالخبر لا من صدر وش قال
اقول انه هذه محقق الأحلام باقواله
ناصر بن سلطان بن محماس الشغار