الشعر يقْصر مالحقنا مزاياك

الورد مايذبل على كف يمناك
وشلون يذبل وانت كفك نديّة
كفك مطر وابروقها لاعدمناك
بياض قلبك مع بياض الثنيّة
كل الارامل واليتامى تحرّاك
عاشو بخيرك يازبون الونيّة
يدعون ربي بآخر الليل يرعاك
وكثر الدعا جعلة يصد البليّة
شعبك فقد شوفك وضحكة امحياك
وصلك نبيه ولا لنا مقدريّة
الطير ضايق مايبي غير يسراك
والزاد عافه كل صبح وعشيّة
ياسيدي سلطان مثلك وشرواك
لاغاب كلٍ ينثر الهاشميّة
حتى الثرى يفقد إلا غبت ماطاك
مع كثرة الأقدام روحه وجيّة
ياسيدي يازين شوفك ولقياك
بأرض الوطن اليّا حملتك المطيّة
جو الوطن يمطر وبرقه ثناياك
وأرض الوطن تنبت وروده تحيّة
فعيون ابومتعب وإلا غاب بحماك
المملكة دار الوفا والحميّة
يالله ياللي تسجد الناس لرضاك
ياعالمٍ بالبيّنه والخفيّه
انت الرحيم ولا نبي غير رحْماك
عن سيدي تبعد صدوف المنيّة
الشعر يقْصر مالحقنا مزاياك
لو نكتب الأبيات ميّة وميّة
حسين زيد جحان الثبيتي