بيت وصدى

الأسبوع الماضي كان بيت الأسبوع من طرح الشاعر فهد عقيل الطويان من بريدة، والذي يتناول قضية تأجيل الدراسة وأنه لا خوف بإذن الله من انتشار مرض الانفلونزا في ظل رحمة الله، ثم الاستعدادات الجبارة لحكومة خادم الحرمين للوقاية منه وكان البيت يقول:
ما به ترى تأجيل ياللي تبونه
الدرس بعد أيام والحامي الله
وكان صدى البيت جميلاً في تناوله ومناقشة هذه القضية.
العلم لو جاكم فلا ترفضونه
حتى ولو ان المدارس معاناه
العلم ياهل العلم لا تتركونه
من جنب التعليم شاف الاهاناه
اللي مريض الله بحفظه يصونه
واللي صحيح يدوّر العلم يلقاه
صالح سالم العبيد الله - الأحساء
يوم السبت يا فهد ما ينكرونه
ثمان وعشرين البدايه تحلاه
واللي تغيب أسرته ينصحونه
والداء عسى رب الخلايق تولاه
الحافظ الله ما علينا مهونه
من كل صاير كلنا تحت الإله
علي آل زولان - فيفاء
ربي تصون الدار ربي تصونه
والداء بعونك ربنا ابعد مطاياه
والعلم تركه فيه خسر ومهونه
وأخذ السبب واجب ولابه مراواه
والله يحفظنا بحفظه وعونه
وعيالنا من كل الأمراض ياقاه
علي مونس الجدي - الرياض
نعم الدراسه ووقتها تعرفونه
تأجيلها ما به سوى الخسر والآه
وإن قدر الله ما حدٍ ما يمنعونه
حتى ولو هو جوف بيته ومأواه
والحامي الله والسبب يبذلونه
ولاة الأمر وكل شي على الله
علي بن معاضه - الرياض
بيت الأسبوع
كتبه الأخ حمد عبدالله الوايلي من حوطة سدير حول موضوع بداية العام الدراسي والجد والاجتهاد من اليوم الأول ويقول:
بسم الولي نبدا مع بداية العام
ومن يجتهد هالحين يلقى حصيله
نستقبل صدى هذا البيت بثلاثة أبيات فقط تدور حول هذا الموضوع، وذلك على الفاكس 4871070 أو الإيميل
rb-khozama@alriyadh.com
مقترح لبيت الأسبوع
بعث للصفحة الأخ فهد عبدالرزاق الشمري من الأحساء حول موضوع من يؤدون الحج كل عام ويتجاهلون أنهم يتسببون في زيادة الازدحام ومضايقة الحجيج كل عام.