حماك الله يا الفارس محمد

حماك الله يا سيف العداله
من اللي خاب تخطيطه وفاله
يبي يقضي على روح التسامح
ورب البيت خيّب ما سعاله
عجيبه ما احترم شهر التراحم
شهر قرآن وايمان ورساله
بشهر احسان وصيام وعباده
نسى حرمه دم المسلم وماله
لبس للغدر ثوب وبه تخفى
وأزهق روحه بكف الفساله
بخبث.. وزود غدر.. وسوء نيّه
ونكث وعد.. ونقض عهد وجهاله
ولكن ربي اعلم بالخفايا
حما أمن الوطن والغدر زاله
سلم سمح السجايا والنوايا
وهذاك ارتدت لصدره نصاله
حماك الله يالفارس «محمد»
ويحفظ للوطن صفوة رجاله
وقم يا فارس الفرسان واركب
جواد الشيمه وسرج العداله
وخذ سيف التقى واصل مسيرتك
وتحيزم في عزوم أهل البساله
وربي حافظ بلاد العقيده
بلاد المصطفى وارض الرساله
عبيد العجلاني - الكويت