اعترف لك

اعترف لك: كلما حاولت اخفي
عنك سر العشق بان الله حسيبه
لو اعبر عن شعوري ما يكفي
كيف ابوصف فيك كاريزما عجيبه
مين غيرك يالغلا تقدر تطفي
نار تلهب في الحشا واخشى تذيبه
الله اعلم ان وصلك دوم شفي
واني اشعر بك من انفاسي قريبه
سولفي لي واضحكي واقري ملفي
كان يستاهل عنايتك: اعتني به
هاوديني يابعد روحي وكفي
عنك تعذيبي وقهري (يالحبيبه)
لو سمحتي.. لا تدورين وتلفي
اصدقيني القول دام الكذب خيبه
يا جنوني ليه فيني تستخفي
دامك اتعرفين في مبروك طيبه
والله انه في شتاء عمرك يدفي
وان لفى صيفك يبرد لك لهيبه
حددي موقفك من حبه وصفي
قلبك الطيب اذا صابتك ريبه
داعبي صادق احاسيسه وصفي
في اتجاه البوصله واحيي (قليبه)
ينتشي بك نبضه اللي ما يوفي
كبر قدرك يا اعز من يعتزي به